නුඹ ලියූ කවි පොතේ පෙරලෙන පිටු අතර
මගේ තනිකමට නුඹ ඉතිරි කර ගිය මතක
මගේ හිතට සැනසුමක් ගෙනවා සොයද්දි නුඹව මම
සිහිනයෙන් හැම රෑක මගේ දෙනෙත් අද්දර..
නුඹේ සොදුරු කවි හිත දැනන් හිටියේ නැහැ මම
නුඹ වෙන්ව යන තුරුම මගෙ ලොවින් හැමදාටම
අහම්බෙන් වගේ හමු උන නුඹේ මේ කවි පොත
මගේ කඳුළු පිසිනවා හඩද්දි මම නුඹ නැතිව..
අපි ආ ගිය දොඩමළු වූ තැන්වල
නුඹ දැක්ක ඒ සොදුරු මිහිරියාව
දකින්නට මට අදත් නුඹේ හිතින්
කවි වලට නුඹ අපේ මතකය මුසු කර ගිහින්..
පරිස්සමට අරන් තියා ගත්ත නුඹේ කවි පොතේ පිටු අතර
සමහර පිටු තෙත් වෙලා හඬලම මම නුඹේ කවි වලට
ඒ තරම්ම සොදුරුව නුඹ දැකපු අපේ ආදරය
සිහිනයක්ව බොද උන හැටි තවමත් පිළිගන්නේ නෑ මම..
නුඹ තවම මගේ ලග ඉන්න බව දැනෙනවා
මේ කවි පොතේ පිටු අතර ආදරෙන් මට
හිනැහිලා තවම නුඹ මගේ කඳුළු පිසිනවා රහසේම
ඉස්සර වගේම ලං වෙලා මගේ හිතට..
නුඹට පිං ඉතිරි කරාට අපේ මතකය
මේ කවි කොල වල මට දකින්න
මට සැනසෙන්න පුළුවන් දැන් හැමදාකම
කියවලා නුඹේ කවි හිත තනිකමින් වෙලෙන මොහොතට..
12 comments:
නුඹ තවම මගේ ලග ඉන්න බව දැනෙනවා
මේ කවි පොතේ පිටු අතර ආදරෙන් මට
හිනැහිලා තවම නුඹ මගේ කඳුළු පිසිනවා රහසේම
ඉස්සර වගේම ලං වෙලා මගේ හිතට..
ඇඩෙනවා ..............
මාරයි ........ එලටම ලියලා තියනවා ...........
අයියට පූජා අක්කගෙ කවි පොත හම්බවුනේ පස්සෙද?
පරන මතකයන්ට ආයෙමත් පණ දෙන්න කවි සින්දු වලට පුලුවනිලු...
@ කල්හාර දිසානායක : ගොඩාක් ස්තූතියි අයියේ..
@ All in One : ගොඩාක් ස්තුතියි යාළුවා..
@ Kasun : ඔව් මල්ලී.. පූජා නැතිවෙලා අවුරුද්දකට විතර පස්සේ.. එයාගේ අම්මා තමයි මට එක ගෙනත් දුන්නේ..
@ හිස් අහස : ඔව් සදරු මල්ලී.. කවියකට සින්දුවකට, ඒ මතකය ඒ විදිහටම අපි ලගට ගේන්න පුළුවන්..
:D ලස්සනයි අයියෙ... :D
පද ටික ලස්සනයි. ඒත් තේරුම හිතට දැනෙද්දි ඇස් වලට කඳුලු එනවා.
@ පිණිබිදු : වෙන්වීම හිතකට දරාගන්න ගොඩාක් අමාරුයි..
@ සුළගිල්ල : ගොඩාක් ස්තුතියි මල්ලියේ...
Post a Comment